Atalǵan áleýmettik ortalyqqa kúnine jıyrmadan asa adam keledi.
Almatydaǵy «Baqytty otbasy» ortalyǵynda Ashyq esik kúni ótti. Almaly aýdanynda ornalasqan áleýmettik mekemede kóp balaly analar men áleýmettik az qamtylǵan otbasylarǵa memelekettik qyzmetkerler keńes berdi, dep habarlaıdy Almaty-akshamy.kz Almaty.tv silteme jasap.
Arnaıy uıymdastyrylǵan sharaǵa prokýratýra ókilderi men turǵyn úı saıasaty basqarmasynyń mamandary qatysyp, kelýshilerdiń kóptegen saýaldaryna jaýap berip, máseleni sheshý joldaryn kórsetken.
«Kelgen analardyń AÁK-ke, qosymsha járdemaqyǵa, balalardyń ystyq tamaǵyna qatysty saýaldary kóp. Sondyqtan biz búgin Ashyq esik kúnin uıymdastyrdyq. Biz kóp balaly analar men muqtaj otbasylardyń barynsha durys, shynaıy aqpar alǵanyn qalaımyz», - dedi Almaly aýdany «Baqytty otbasy» ortalyǵynyń dırektory İńkár Jańaádilqyzy.
Atalǵan áleýmettik ortalyqqa kúnine jıyrmadan asa adam keledi eken. Odan ózge, bul jerde shashtaraz, aspaz, tiginshi sekildi qoǵamǵa kerekti mamandyqtarǵa úıretedi. Eger jaqsy ıgerip ketse, jumys ta taýyp berýge bolady deıdi mamandar. «Baqytty otbasy» ortalyǵy qoǵamdaǵy ózekti máselelerdi ońtaıly sheship, muqtaj otbasylardyń ómir súrý sapasyn arttyrýǵa baǵyttalǵan.
«Qazir men ózim sekildi jaǵdaıdaǵy analarǵa keńes beremin. Meniń balam da erekshe kútimdi qajet edi. Al «Baqytty otbasy» ortalyǵy bárine úlgerýim úshin maǵan yńǵaıly jumys ýaqytyn belgilep berdi», - dedi áleýmettik jumystar boıynsha keńesshi Aıdana Tájibaeva.