Tárkilengen qarý sot-ballıstıkalyq saraptamaǵa jiberildi.
Almaty polıseıleri qarý-jaraq dúkeninen urlanǵan qarýdy tárkiledi, dep habarlaıdy Almaty-akshamy.kz
Ishki ister mınıstrliginiń resmı saıtyndaǵy málimet boıynsha, «Kamerad» qarý-jaraq dúkenin tonaǵan úsh adam ustaldy. Olardan bes myltyq tárkilendi.
«Eki kúdikti – Almaty oblysynyń, taǵy bireýi Jambyl oblysynyń turǵyndary. Aıtpaqshy, ol buryn tonaý boıynsha sotty bolǵan. Olar 22-24 jasta. Almaty oblysy, Qarasaı aýdany aýmaǵynda arnaıy is-shara barysynda eki kúdikti ustaldy, taǵy bir aıyptalýshy Almatydaǵy Dostyq dańǵylyndaǵy saýda úıinde tutqyndaldy. Olar qamaýǵa alyndy. Ustalǵandardyń basqa da zańsyz áreketterge, sonyń ishinde qańtardaǵy jappaı tártipsizdikterge qatysy bar-joǵy tekserilip jatyr», – dedi Almaty qalalyq polısıa departamenti bastyǵynyń orynbasary Berik Ábilbekov.
Tárkilengen qarý sot-ballıstıkalyq saraptamaǵa jiberildi.