Bul qyzmetke Nurbaqyt Bókebaev keldi.
Mádenıet jáne sport mınıstriniń buıryǵymen Nurbaqyt Ábdiǵalıuly Bókebaev Abaı atyndaǵy Qazaq ulttyq akademıalyq opera jáne balet teatrynyń dırektory qyzmetine taǵaıyndaldy, dep habarlaıdy Almaty-akshamy.kz.
Bul jaıynda mınıstrliktiń Instagram paraqshasynan málim boldy.
Nurbaqyt Bókebaev 1963 jyly dúnıege kelgen.
J. Elebekov atyndaǵy respýblıkalyq estrada-sırk kolejin, T. Júrgenov atyndaǵy Qazaq ulttyq óner akademıasyn, D.A. Qonaev atyndaǵy ýnıversıtettiń zań fakúltetin támamdaǵan.
Ál-Farabı atyndaǵy Qazaq ulttyq ýnıversıtetiniń «mádenıettaný» mamandyǵy boıynsha gýmanıtarlyq ǵylymdar magıstri.
Ál-Farabı atyndaǵy Qazaq ulttyq ýnıversıteti «mádenıettaný» mamandyǵy boıynsha fılosofıa doktory.
1991-1993 jyldary – «Qazaqkonsertte» konserttik ujymdardyń ákimshisi, jetekshisi;
1993-1996 jyldary – QR Mádenıet mınıstrliginiń bas mamany;
1996-1998 jyldary – J. Elebekov atyndaǵy Respýblıkalyq estrada-sırk kolejiniń jáne T. Júrgenov atyndaǵy Qazaq memlekettik teatr jáne kıno ınstıtýtynyń oqytýshysy;
1998-2000 jyldary – T. Júrgenov atyndaǵy Qazaq memlekettik teatr jáne kıno ınstıtýtynyń prorektory;
2000-2004 jyldary – Almaty qalasy, Bostandyq aýdanynyń ishki saıasat bóliminiń basshysy;
2004-2005 jyldary - Qazaqstan Halyqtarynyń kishi assambleıasy hatshylyǵynyń meńgerýshisi;
2005-2008 jyldary - Almaty qalasy İshki saıasat departamentiniń bólim bastyǵy;
2008 jyldyń aqpan aıynan tamyz aıyna deıin «Nur Otan» HDP Almaty qalalyq fılıalynyń uıymdastyrýshylyq-partıalyq jumystarynyń meńgerýshisi;
2008-2010 jyldary QR Mádenıet jáne aqparat mınıstrligi óner basqarmasynyń bastyǵy;
2010-2012 jyldary – Ǵ. Músirepov atyndaǵy Qazaq memlekettik akademıalyq balalar men jasóspirimder teatry dırektorynyń orynbasary;
2012-2016 jyldary – Abaı atyndaǵy Qazaq memlekettik akademıalyq opera jáne balet teatry dırektorynyń birinshi orynbasary;
2016 jyldan «Qazaq memlekettik sırki» KMQK dırektory.
Posmotret etý pýblıkasıý v Instagram