Uly Otan soǵysynyń qatysýshysy, KSRO İİM eńbek sińirgen qyzmetkeri, 3-dárejeli komısar Qusmanǵalıev Djanysbek Qusmanǵalıulynyń otbasymen birge turǵan úıdiń qasbetine eskertkish taqta ashyldy, dep habarlaıdy aqshamnews.kz Polisia.kz-ke silteme jasap.
Saltanatty jıynǵa Almaty qalalyq PD basshylyǵy, jeke quramy jáne İİO-nyń ardagerleri qatysty. Aty ańyzǵa aınalǵan tulǵa týraly búginde İİM generaly bolyp qyzmet atqaryp júrgen Djanysbek Qusmanǵalıulynyń áriptesteri óz estelikterimen bólisti.
— Soǵys bastalǵan kezde qalada bandıtızm damı bastady, qylmys kóbeıdi. Osyndaı iske qarsy tura alatyn adam retinde Djanysbek Qusmanǵalıuly osy qylmystyń órshýine tosqaýyl qoıý úshin maıdan shebinen shaqyrtylyp, osynda Almatyǵa keldi. Ol, árıne, bul mindetti minsiz atqardy, — dedi, QR İİM qurmetti ardageri, ádilet general-maıory Sultan Kúsetov.
Almaty qalalyq PD Ardagerler Keńesi tóraǵasynyń orynbasary, otstavkadaǵy polısıa polkovnıgi Baýyrjan Rahymov óz kezeginde Djanysbek Qusmanǵalıevtiń kadr máselesine basa nazar aýdaryp, jas qyzmetkerlerdi İİO-daǵy arnaıy oqý oryndaryna qylmystyq izdestirý, tergeý, jol polısıasynyń baǵyttary boıynsha jiberý máselesine birinshi kezekte basymdyq bergenin atap ótti.