Almatyda Bostandyq aýdanyndaǵy birneshe qoǵamdyq keńistikti qaıta qurý jáne abattandyrý jobasy daıyndalýda.
Qala basshysy Erbolat Dosaev turǵyndarmen kezdesýde Tuńǵysh Prezıdent saıabaǵyna, «Atakent» KQKO aýmaǵyna, «Iýjnyı» saıabaǵyna jáne Nur-Alataý shaǵyn aýdanyndaǵy skverge nazar aýdarylatynyn aıtty.
Sondaı-aq, sırk aldyndaǵy, Mustafın kóshesiniń boıynda jáne QazUÝ Stýdentter saraıynyń aldyndaǵy sýburqaqtardy kúrdeli jóndeý josparlanǵan. Qujattamanyń memlekettik saraptaý nátıjeleri jeltoqsanda belgili bolady.
Bıyl aýdanda «Halyq qatysatyn búdjet» baǵdarlamasy aıasynda 50 jobany kóriktendirýge 2,8 mlrd teńge bólindi. Sonyń biri qyrkúıekte aıaqtalatyn Abaı dańǵylyndaǵy jaıaý júrginshiler aımaǵyn abattandyrý jobasy, onda qala turǵyndary úshin qolaıly jaǵdaı jasalady.