“Qazaqstan Respýblıkasynda nashaqorlyqqa jáne esirtki bıznesine qarsy kúrestiń 2023-2025 jyldarǵa arnalǵan keshendi josparynyń” 71-tarmaǵyn oryndaý maqsatynda İİM Kınologıalyq ortalaǵynyń bazasynda UQSHU-ǵa múshe memleketterdiń “Kanal-Perehvat” aýqymdy halyqaralyq esirtkige qarsy operasıasy sheńberinde eki eldiń kınolog-mamandarynyń birlesken oqý-jattyǵýlary ótkizildi, dep habarlaıdy Almaty-akshamy.kz.
Polisia.kz málimetinshe, bul operasıa esirtkiniń transulttyq zańsyz aınalymynyń aldyn alýǵa, esirtki kontrabandasynyń arnalaryn jabý boıynsha praktıkalyq mindetterdi sheshýge, esirtki bıznesiniń ekonomıkalyq negizderine nuqsan keltirýge, onyń ishinde esirtki tabystaryn zańdastyrýǵa baǵyttalǵan.
Oqý-jattyǵý barysynda kınolog-mamandar oqytýdyń ozyq tájirıbesin engizý jáne qyzmettik-izdestirý ıtterin úıretý, tórtaıaqty kómekshilerdi esirtki izdeýden bastap, qylmys oryndarynda saqtalǵan ıistermen jumys isteýge deıingi túrli jedel mindetterde praktıkalyq qoldaný boıynsha tájirıbe almasty. Kınologıalyq qyzmetterdiń sıntetıkalyq esirtki, geroın jáne marıhýanany anyqtaýǵa qatysýyna erekshe nazar aýdaryldy.
Kınologtar men qyzmettik ıtterdiń praktıkalyq sabaqtary “Qazposhta” AQ bazasynda ótkizildi. Munda poshta jóneltilimderin, olarda esirtki bar-joǵyn zertteý taktıkasy pysyqtaldy. Oqý-jattyǵýǵa qatysýshylar men “Kanal-Perehvat” arnaıy operasıasyna qatysýshy memleketterdiń ókilderi qazaqstandyq kınologtardyń ıtterdi sıntetıkalyq esirtkilerdi izdeýge úıretýdegi jetistikterin atap ótti. Bul bizdiń mamandardan negizgi zattyń hımıalyq formýlasy ózgergen kezde de ámbebap bolyp tabylatyn jáne ózgermeıtin esirtkiniń ıis ımıtatorlaryn izdeý boıynsha jeke ádistemeni ázirleýdi talap etti.
Oqý-jattyǵý barysynda eki memlekettiń kınologtary qarýly qylmyskerlerdi qıyn jaǵdaıda ustaý boıynsha jattyqty. Jıynǵa qatysýshylar UQSHU-ǵa múshe memleketterdiń quqyq qorǵaý organdary men arnaıy qyzmetteri arasyndaǵy tikeleı baılanystardy nyǵaıtýǵa, tıisti halyqaralyq uıymdarmen yntymaqtastyq ornatýǵa múmkindik aldy. 2023 jyly İİM Kınologıalyq ortalyǵynyń qyzmettik ıtteri sıntetıkalyq esirtkilerdi izdeýge úıretildi. Ortalyqta elimizdiń ár aımaǵynan 100-ge jýyq maman qyzmettik ıtterimen birge oqytýdan ótti. Polısıada jumys isteý úshin 27 kúshik ósirildi.