«Mirjaqyp. Oıan, qazaq» fılmin dál qazir almatylyqtar kınoteatrdaǵy úlken ekrannan kórip jatyr.
«Qazaqstan» teleradıokorporasıasynyń ónimin tamashalaýǵa biraz kórermen jınaldy. Fılm kınoteatrdan osy aıdyń sońyna deıin kórsetilýi múmkin, dep habarlaıdy Almaty-akshamy.kz.
120 mınýttyq kınokartınada Alash qaıratkeriniń revolúsıadan keıingi jyldardaǵy, asharshylyq kezindegi qoǵamdyq-saıası qyzmeti, Qyzylorda, Semeı, Máskeýdiń áıgili «Býtyrka» abaqtysyndaǵy azapty kúnderi kórinis tapqan.
Eske salamyz buǵan deıin, Ulttyq arnanyń bastamasymen Mirjaqyp Dýlatov jaıly 6 bólimdik teleserıal túsirilip, ol kórermen arasynda keńinen tanylǵan edi. Týyndy avtordary serıaldan qurastyrylǵan tolyq metrajdy fılm de kópshiliktiń kóńilinen shyǵady degen úmitte ekendikterin jetkizdi.