Halyqaralyq áıelder kúnine oraı eń sulý jáne daryndy polıseı arý tańdaldy.
Saıysqa qatysqan 12 arý men zerdeli boıjetken tek sulýlyq pen náziktik jaǵynan ǵana emes, dene shynyqtyrý daıyndyǵynan da baq synady, dep habarlaıdy Almaty-akshamy.kz.
Gala-konsert tórt kezeń boıynsha ótti. Tergeýshiler, patrúldik polısıa qyzmetkerleri, krımınalıser, jedel ýákilder, kámeletke tolmaǵandar isteri jónindegi ınspektorlar, jedel kezekshiler men arnaıy jasaq sarbazy óz bilimderin kórsetip, tamasha ónerlerin pash etti.
«Polısıa arýy» ataǵy úshin tartys qyzý ótti. Qazylar alqasyna ońaı bolǵan joq, óıtkeni erlermen teń dárejede quqyq qorǵaý organdarynda laıyqty qyzmet atqaryp, qylmyspen kúresip júrgen áriptesterimiz, áıelderdiń múmkindikterinde shek joq ekenin taǵy bir ret dáleldedi. Olar - eńbekte úlgili, aldyńǵy qatarly qyzmetker ǵana emes, qamqor ana, aıaýly jar, shańyraǵynyń tútinin túzý shyǵaryp otyrǵan otanasy. Sonymen qatar, olar árqashan sulý, meıirimdi, janashyr bolyp qala beredi», – dedi Almaty qalalyq polısıa departamenti bastyǵynyń orynbasary, qazylar alqasynyń tóraǵasy Oljas Myrzabekov.
Baıqaý qorytyndysy boıynsha, úshinshi oryndy PD jedel-krımınalıstıkalyq basqarmasynyń qyzmetkeri Ásıma Barlybekova ıelendi. Ekinshi oryn Naýryzbaı aýdandyq PB ıývenaldy polısıa bóliminiń ınspektory Dınaraǵa Madrahımovaǵa berildi. PD aqparattandyrý jáne baılanys basqarmasynyń tehnıgi Ásel Qajıahmet “Polısıa arýy” atandy.