Taýly Qarabaqta armán polısıasy men Ázirbaıjan áskerleri qaqtyǵysty. Ázirge Ázirbaıjannyń eki áskeri oqqa ushty degen aqparat bar.
Taýly Qarabaqta Armenıanyń polısıasy men Ázirbaıjannyń áskerleri arasynda qarýly qaqtyǵys boldy, jaralanǵandar men qaza tapqandar bar, dep habarlaıdy Almaty-akshamy.kz Azattyq Ruhy-na silteme jasap.
VVS agenttiginiń habarlaýynsha, eki tarap qaqtyǵysqa qatysty ártúrli málimdeme jasaǵan: Ázirbaıjan tarapynyń aıtýynsha, olar armán polısıasynyń oq-qarý artqan kóligin teksermek bolǵan, al armán polısıasynyń nusqasy boıynsha, qyzmetke ketip bara jatqan polısıa qyzmetkerlerin Ázirbaıjan áskerıleri qorshaýǵa alǵan.
Aıta ketý kerek, oqıǵa Taýly Qarabaqtyń ákimshilik ortalyǵyna aparatyn jolda bolǵan. Bul aýmaq úsh aıdan beri tolyqtaı Ázirbaıjan áskeriniń qorshaýynda tur.
Ázirbaıjannyń Qorǵanys mınıstrligi eki áskerıdiń qaza tapqany týraly habarlap otyr.