Qalanyń halyq tyǵyz ornalasqan aýdanynda páter urysy qylmys ústinde ustaldy.
Páter urysy et urlamaq bolǵan kezde qolǵa tústi, dep habarlaıdy Almaty-akshamy.kz Polisia.kz-ke silteme jasap.
«34 jastaǵy D.esimdi azamat "Altyn besik" shaǵynaýdanynda bolǵan. Úılerdiń biriniń ashyq turǵan qaqpasyn baıqap, baǵaly zattardy izdep ishke kiredi, tońazytqyshtyń da ishin qaraıdy. Onda bes qap et boldy. Bótenniń múlkin jasyryn túrde urlaý týraly qylmystyq nıet sol mezette paıda boldy. Et salynǵan qapshyqtardy sýyryp alyp jatqan D. esimdi azamat qylmys ornynda ustaldy. Jaýap alý kezinde ustalǵan azamattyń taǵy bir páter urlyǵyna qatysy bar ekendigi belgili boldy. Birneshe saǵat buryn er adam sol yqshamaýdandaǵy úıge únsiz kirip, bireýdiń qystyq etigin urlap ketken», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Kúdikti óz kinásin moıyndady. Osy derekter boıynsha qylmystyq ister tirkelip, QR QK-niń 188-baby 3-bóligi (urlyq) boıynsha bir óndiriske biriktirildi. Kúdiktige qatysty qamaýǵa alý túrindegi bultartpaý sharasy tańdaldy. Páter urysynyń qalada jasalǵan osyǵan uqsas basqa da qylmystarǵa qatysy bar-joǵy tekserilip jatyr.