Bul týraly Ulttyq ekonomıka birinshi vıse-mınıstri Tımýr Jaqsylyqov málimdedi, dep habarlaıdy Almaty-akshamy.kz.
«Memleket basshysynyń ákimdikterdiń fýnksıonaldyǵyn qamtamasyz etý jáne halyq úshin asa mańyzdy máseleler boıynsha úılestirýdi kúsheıtý jónindegi tapsyrmasyn iske asyrý maqsatynda oblys ákimderi orynbasarlarynyń sanyn bir birlikke deıin arttyrý usynylady», - dedi Tımýr Jaqsylyqov Úkimet otyrysynda.
Sonymen qatar, onyń aıtýynsha, bastama jergilikti atqarýshy organdardyń qyzmetin qarjylandyrý úshin belgilengen sheginde júzege asyrylady.
«Bul baǵyttaǵy reformalar jalǵasýda. Jańa Búdjet kodeksi ázirlenýde. Osy jumys sheńberinde bloktyq búdjettiń jekelegen elementterin engizý pysyqtalyp jatyr. Qujat búdjet prosesin túbegeıli ońaılatýǵa jáne memlekettik basqarý júıesin odan ári ortalyqsyzdandyrýǵa baǵyttalatyn bolady. Qujatty kelesi jyldyń qyrkúıek aıynda Parlamentke engizý josparlanýda», - dep qosty vıse-mınıstr.