Almaty ákimdigi qoǵamdyq kólikke qyzmet kórsetý sapasyn jaqsartýǵa erekshe nazar aýdarady dep málimdedi qala ákimi Erbolat Dosaev aýdan turǵyndarymen kezdesýde.
Búginde «Qaırat» shaǵyn aýdanynan «Raıymbek» metro stansıasyna deıin jańa №9 avtobýs marshrýty (8 avtobýs) iske qosyldy. Sondaı-aq osy jyldyń sońyna deıin jańa avtobýstardyń kelip túsýine qaraı 7 marshrýt (№8, 13, 17, 38, 46, 47, 69; 130 avtobýstar) jańartylady.
Oqý jylynyń basynan bastap qalada óz mektepterinen shalǵaı aýdandarda turatyn balalarǵa arnalǵan «Mektep avtobýsy» jobasynyń birinshi kezeńi bastaldy. Túrksib aýdany boıynsha búginde aýdannyń 4 mektebinen (№№20, 32, 162, 115) balalardy tasymaldaıtyn 7 «schoolbus» avtobýsy qatynaıdy.