Aýdandaǵy qarqyndy qurylys pen halyq sanynyń ósýin eskere otyryp, aýdandy áleýmettik ınfraqurylymmen qamtamasyz etý jalǵasýda, dep málimdedi qala ákimi aýdan turǵyndarymen kezdesýde.
1 qyrkúıekten bastap «Qaırat» shaǵyn aýdanynda 1 500 oryndyq №211 jańa mektep-gımnazıasy iske qosyldy. №59 mektep-gımnazıa ǵımaratyn rekonstrýksıalaý, seısmıkalyq kúsheıtý (860 oryn) jáne 300 oryndyq qosymsha qurylys salý jumystary júrip jatyr. Jumystardyń aıaqtalýy – 2024 jyldyń 1-shi toqsany. «Jaıly mektep» ulttyq jobasy boıynsha 4-shi toqsanda 6100 oryndyq 4 jańa mekteptiń qurylysy bastalady.
№ 195 mektepke 450 oryndyq qosymsha qurylys bastalady. Budan basqa №198 mektepke 600 oryndyq qosymsha qurylys salý №83 gımnazıa fılıalyn rekonstrýksıalaý jáne №50 mektep ǵımaratyn seısmıkalyq kúsheıtý jumystary jobalanýda.
Oqýshylardy kásiptik bilimmen qamtýdy keńeıtý úshin 2024 jyldyń 1-shi toqsanynda qoldanystaǵy ǵımarattardy buzyp, Almaty telekomýnıkasıa jáne mashına jasaý kolejin salýǵa jobalaý-smetalyq qujattama ázirleý aıaqtalady.
Aýdan balalaryn mektepke deıingi bilimmen qamtamasyz etý úshin qazan aıynda ǵımaratty seısmıkalyq kúsheıtý jumystary aıaqtalǵannan keıin №70 balabaqsha óz jumysyn bastaıdy. Sondaı-aq 2023 jyldyń sońyna deıin «Qaırat» shaǵyn aýdanynda 260 oryndyq memlekettik balabaqshanyń qurylysy aıaqtalady.
«Álmerek» shaǵyn aýdanynda 320 oryndyq balabaqsha salý úshin jer ýchaskesin alyp qoıý qorytyndysy boıynsha 4-shi toqsanda jobalaý-smetalyq qujattamany ázirleýge konkýrs jarıalanady.
Anyqtama úshin: menshik ıesiniń kelispeýine, baǵalaý merziminiń aıaqtalýyna baılanysty, sondaı-aq sot prosesterin boldyrmaý úshin kelesi apta ishinde jer ýchaskesin qaıta baǵalaý júrgiziledi. Menshik ıesi kelisken jaǵdaıda, jer ýchaskesin alyp qoıý 30.10.2023 jylǵa deıin aıaqtalady.