Túrkisib aýdanynda jol ınfraqurylymyn damytý boıynsha qarqyndy jumys jalǵasýda. Bul týraly qala ákimi Erbolat Dosaev aýdan turǵyndarymen kezdesýde málimdedi.
Osy jyldyń qazan aıynyń sońyna deıin «Qaırat» shaǵyn aýdanyndaǵy turǵyn úı kesheni men mektepke 2,7 shaqyrym kirme joldardy salý jumystary aıaqtalady. Búginde asfálttyń 1-shi qabaty tóselgen. 2024 jyldyń II-shi toqsanynda ınjenerlik komýnıkasıalar júrgizilgennen keıin qalǵan 5,3 shaqyrym jol tóseledi.
Aýdanda uzyndyǵy 24 shaqyrym bolatyn 18 kóshedegi joldardy ortasha jóndeý jalǵasýda. Búgingi tańda Seıfýllın dańǵyly, Aral kóshesi jáne Baıron kóshesindegi uzyndyǵy 7,7 shaqyrym jol jabynyna asfált tóseý jumystary aıaqtaldy. Aýdan boıynsha 30 myń sharshy metr jolǵa aǵymdaǵy jóndeý júrgizildi. Qalǵan 10 myń sharshy metri qazan aıynyń sońyna deıin aıaqtalady.
Sondaı-aq, qazan aıynyń sońyna deıin aýdannyń
5 magıstraldy kóshesiniń boıynda 23 shaqyrym tehnıkalyq trotýar salynady. Olar kóshelerge estetıkalyq sán berip, jınaý kezinde jasyl jelekterdi hımıalyq reagentterden saqtaıdy.