Jumys sapary barysynda Almaty ákimi Baqytjan Saǵyntaev Áýezov aýdanyndaǵy seısmıkalyq kúsheıtý jáne kúrdeli jóndeý júrgizilgen balabaqsha ǵımaratyn aralap kórdi, dep habarlaıdy Almaty-akshamy.kz
№186 bóbekjaı-balabaqsha Áýezov aýdanynyń "Aqsaı-4" shaǵynaýdanynda ornalasqan. Ǵımarattyń jalpy alańy – 4343 sh.m. 315 oryndyq balabaqshada seısmıkalyq kúsheıtý, qalpyna keltirý jumystary jáne ǵımaratqa kúrdeli jóndeý jumystary júrgizildi.
Baqytjan Saǵyntaev atalǵan balabaqshanyń ashylýy buryn jalǵa berilgen memlekettik balabaqshalardyń ǵımarattaryn qaıtarý jónindegi qalalyq baǵdarlamanyń nátıjesinde múmkin bolǵanyn atap ótti.
Eske salsaq, aǵymdaǵy jyly 360 oryndyq úsh memlekettik balabaqshanyń qurylysy aıaqtaldy. 280 oryndyq taǵy bir balabaqshanyń qurylysy jalǵasýda, paıdalanýǵa berý 2022 jylǵa josparlanǵan.
Sonymen qatar, 4658 oryndyq 72 jekemenshik balabaqsha ashyldy. Memlekettik bilim berý tapsyrysy 30 460 oryndyq 519 jekemenshik balabaqshada ornalasqan. Aǵymdaǵy jyldyń sońyna deıin 250 oryndyq taǵy bes jekemenshik mektepke deıingi uıym ashý josparlanǵan.
Qazirgi kezde qalada 1 jastan 6 jasqa deıingi balalardyń 64,2%-y, 3 jastan 6 jasqa deıingi balalardyń 90,6%-y mektepke deıingi tárbıemen qamtylǵan.