Búginde Almaty polısıasy garnızonynda alty myńnan astam adam bar. El Táýelsizdiginiń 30 jyldyǵyn merekeleý qurmetine oraı qyzmetinde joǵary kórsetkishterge jetken ári óz isiniń kásibı mamandary bolyp sanalatyn polıseıler marapattaldy, dep habarlaıdy Almaty-akshamy.kz
Almaty qalasynyń ákimi Baqytjan Saǵyntaev tártip saqshylaryna medaldar, Qurmet gramotalaryn saltanatty túrde tapsyrdy.
«Barsha qazaqstandyqtar úshin qasıetti kún – Táýelsizdiktiń 30 jyldyq mereıtoıy qarsańynda biz qoǵam qaıratkerleriniń, muǵalimderdiń, dárigerlerdiń, árıne, polıseılerdiń eńbegin atap ótemiz. Sizder halyqtyń konstıtýsıalyq quqyqtary men bostandyqtaryn qorǵaýdasyzdar, Almatyda qoǵamdyq qaýipsizdikti qamtamasyz etesizder. Eń bastysy, qala turǵyndary ózderiniń qorǵalǵanyn sezinýi kerek. Ol úshin biz qajettiniń bárin jasaımyz», - dedi Baqytjan Saǵyntaev ári jınalǵandardy kele jatqan Táýelsizdik kúnimen quttyqtady.
Qazaqstan Respýblıkasynyń Táýelsizdik kúnin merekeleýge baılanysty İshki ister mınıstriniń buıryǵymen, Almaty qalasy ákiminiń ókimimen jáne PD buıryǵymen qyzmettik mindetterin adal atqarǵany, kásibıligi, qyzmettegi joǵary kórsetkishteri úshin 200-den astam qyzmetker marapattaldy.
«Táýelsizdik merekesi – úlken kúsh-jigerdiń arqasynda osy uzaq merzimdi qundylyqqa qol jetkizgen adamdardyń kóptegen urpaqtaryna qurmet. Bizdiń aldymyzda tıisti qoǵamdyq tártip pen azamattardyń qaýipsizdigin qamtamasyz etý mindeti tur. Bul bizdiń konstıtýsıalyq jáne kásibı paryzymyz jáne ony joǵary uıymdastyrýshylyq jáne sapaly deńgeıde oryndaý – departament organdary men bólimsheleriniń barlyq qyzmetkerleriniń qurmetti mindeti», - dep atap ótti Almaty polısıa departamentiniń basshysy Qanat Taımerdenov.
Ókinishke oraı, osy jyldar ishinde qylmyspen kúreste 78 almatylyq polıseı qaza tapty. Olar Otan aldyndaǵy boryshyn erlikpen jáne adal oryndady. Olardyń batyldyǵy men batyrlyǵy qurmetke laıyq jáne elimizdiń bolashaǵy úshin qyzmet etetin barlyq polısıa qyzmetkerlerine úlgi bolady.
Almaty qalasynyń ákimi Baqytjan Saǵyntaev kelesi qyzmetkerlerdi marapattady:
- polısıa polkovnıgi Ábdirahmanov Rýstam Turalyuly – PD basshysynyń orynbasary,
- polısıa polkovnıgi Sattarov Manap Aǵzamuly – jergilikti polısıa qyzmeti basqarmasynyń basshysy,
- polısıa podpolkovnıgi Almaǵambetov Erlan Dáýletuly – esirtki qylmysyna qarsy is-qımyl basqarmasynyń basshysy,
- Ábilhaıyr Ulanbek Baýyrjanuly – Áýezov aýdandyq polısıa basqarmasynyń basshysy,
- polısıa polkovnıgi Aýhadıev Dýman Ǵabıdollauly – Bostandyq aýdany polısıa basqarmasynyń basshysy,
- polısıa leıtenanty Asqarov Dastan Daýrenuly – Alataý aýdandyq polısıa basqarmasynyń jedel ýákili,
- polısıa leıtenanty Orymbek Ábilhan Asylhanuly – Alataý aýdandyq polısıa basqarmasynyń tergeýshisi,
- polısıa leıtenanty Baýdınov Tahır Azatuly – Medeý aýdandyq polısıa basqarmasynyń ýchaskelik ınspektory,
- polısıa leıtenanty Baımyrza Islam Erkinuly – Túrksib aýdandyq polısıa basqarmasynyń ýchaskelik ınspektory,
- polısıa leıtenanty Tóleýqul Oljas Saıatuly – Naýryzbaı aýdandyq polısıa basqarmasynyń ýchaskelik ınspektory,
- polısıa leıtenanty Táýekelov Áltaıyr Baqytjanuly – patrúldik polısıa polkiniń ınspektory,
- polısıa leıtenanty Orazqul Abylaı Saıatuly – jedel áreket etý arnaıy jasaǵynyń ınspektory,
- qatardaǵy polısıa ınspektory Ahmadıev Tımýr Azamatuly – aıdaýyl qyzmeti batalónynyń ınspektory.