WhatsApp jelisinde hat almasyp otyrǵan qurbandaryn aqsha aýdarýǵa kóndirgen alaıaq áıel ustaldy.
Osy jyldyń qazan, qarasha aılarynda Almaty, Qyzylorda qalalary men Shyǵys Qazaqstan, Almaty oblystarynda turatyn jeti azamat ınternettegi alaıaqtyq derekteri týraly Talǵar APB kezekshi bólimine aryzdanǵan bolatyn, dep habarlaıdy Almaty-akshamy.kz Polisia.kz-ke silteme jasap.
Jábirlenýshilerdiń aryzyna súıensek, WhatsApp messendjerinde bolashaq qurbandar qosylǵan arnaıy top qurylǵan. Hat almasý arqyly olar aqsha tabýdyń osy jolyna aqsha salýǵa adamdardy kóndirgen. Qajetti soma aýdarylǵannan keıin Farıda esimdi áıel “izin sýytqan”. Qoldy bolǵan aqshanyń jalpy somasy anyqtalýda. Atalǵan derekter QR QK-niń 190-baby 2-bóliginiń 4-tarmaǵy boıynsha Talǵar APB -de tirkeldi jáne tergeý barysynda olardyń barlyǵy bir óndiriske biriktirildi.
Júrgizilgen jedel izdestirý is-sharalarynyń nátıjesinde polısıa qyzmetkerleri Talǵar aýdany Qyzyltý kentiniń 32 jastaǵy turǵynyn anyqtap, ustady. Ol usynylǵan dáleldemelerden keıin barlyq epızodtar boıynsha óz kinásin tolyǵymen moıyndady. Qazirgi tańda sotqa deıingi tergeý amaldary júrgizilýde. Ózge aqparat, QR QİJK-niń 201-babyna sáıkes, tergeý múddesine saı jarıa etilmeıdi.