Qala boıynsha bıyl barlyǵy 350 myńǵa jýyq kóshet otyrǵyzý josparlanǵan. Basty nazar Alataý, Jetisý, Túrksib aýdandaryna aýdarylady. Osylaısha «Jasyl Almaty» naýqany aıasyndaǵy 1 mln aǵash otyrǵyzý boıynsha úsh jyldyq kórsetkishke qol jetkiziledi, dep habarlaıdy Almaty-akshamy.kz
Búginde 633 myń aǵash otyrǵyzylyp, jalpy aýdany 404,11 ga aýmaq kógaldandyryldy. Qalada otyrǵyzylatyn aǵash túrleri ǵylymı qaýymdastyq pen landshaft sarapshylarynyń qatysýymen klımattyq jáne topyraq erekshelikterine qaraı tańdap alynady.
Atap óterligi, búginde aýqymdy kógaldandyrý jumystarynyń qarqyndy júrgizilýimen qatar jalpy kógaldandyrý saıasaty da túbegeıli ózgerdi. Basty nazar baqylaýsyz aǵash otyrǵyzýlardan jasyl qordy emdeý, bıoárkelkilikti saqtaýǵa qaraı aýysty. Jasyl jelekti sýarý jumystaryn kúsheıtý úshin jańa sý uńǵymalary salynyp, aryq júıesi túgendeldi. Sonymen qatar aǵashtardyń jersinýin jaqsartý úshin sýarý júıesinde 27 sý jınaǵysh toǵan qurylysy josparlanǵan.
Almaty qalasy ákimdiginiń baspasóz qyzmeti