Elimizdiń týrısik salasynyń damý qarqyny jaman emes
«Kazakh Tourism»-niń habarlaýynsha, tek ótken bir aptanyń ishinde elimizge 3,5 myńnan asa sheteldik kelgen. Otandyq týrısik salaǵa qoldaý sharalary jetildirilýde. Búginde 191 jobadan turatyn pýl maquldanǵan. Investısıanyń jalpy kólemi 3 trln teńgege jýyq, dep habarlaıdy Almaty-akshamy.kz
«Sapa belgisi» baǵdarlamasy bekitildi. Balalar men jasóspirimder týrızmi, agrotýrızm, Jibek joly baǵyttary boıynsha 3 300 týrısik nysanǵa taldaý júrgizildi. «Kazakh Tourism» Qazaqstanǵa halyqaralyq sharalardy tartý baǵytynda da jumys isteıdi. Búginde 2022-2025 jyldarǵa 5 myń sheteldik delegattyń qatysýymen iskerlik týrızmniń 12 sharasy maquldandy. Onyń árbir ekinshisi týrısik áleýetti ilgeriletýge arnalǵan. Bul rette sıfrlyq marketıń pen pıar quraldaryna basymdyq beriledi», - deıdi «Kazakh Tourism» UK basqarma tóraǵasy Talǵat Amanbaev.
Shetelde joǵary baǵaǵa ıe bolǵan qazaqstandyq týrısik nysandar az emes, Otandyq birneshe qonaq úı «Lonely Planet» jahandyq baspa úıiniń nusqasy boıynsha úzdik dep tanylǵan. Al «Telegraph» basylymy Qazaqstandy «qarqyndy damýshy destınasıa» dep tanyp, Almaty qalasyn 2022 jylǵy búdjettik baǵdarlar qataryna engizdi. «Kólsaı kólderi» ulttyq parki men Saty aýyly «Álemdik aýyl týrızmi» nomınasıasynda ozyq shyqty.