Onlaın nesıe berý, saıttar arqyly tutyný taýarlaryna tapsyrys berý. Ekinshiden, shottardan aqsha urlaý, bul jaǵdaıda qylmyskerler ózderin bank qaýipsizdik qyzmetkerleri retinde kórsetedi. Úshinshiden, aqshany ártúrli jobalarǵa, oıyndarǵa, ınvestısıalarǵa, t.b. “tıimdi” aqsha salý.
Almaty polıseıleri ınternet-alaıaqtyqtyń túrlerin eske salady, dep habarlaıdy Almaty-akshamy.kz Polisia.kz-ke silteme jasap.
«Búgingi tańda azamattardyń kópshiliginiń ómirin uıaly telefonsyz jáne ınternet jelisinsiz elestetý qıyn. Tamaqqa tapsyrys berý, taýarlardy, shottardy tóleý, t.b. áreketterdi úıde otyryp-aq jasaýǵa bolady. Keıbir adamdar úshin bul ýaqytty únemdeýge jáne ómirdi jeńildetýge tamasha múmkindik bolsa, basqa “kásipker” azamattar úshin alaıaqtyq áreketterge úlken óris ashylady. Jyldyń basynan beri qalada 207 ınternet-alaıaqtyq tirkeldi. Ótken jyldyń sáıkes kezeńimen salystyrǵanda 3,3 esege azaıdy. Degenmen, áli de bolsa dabyl qaǵyp, azamattardyń nazaryn qaýipsizdik sharalaryna aýdarý qajet, bul týraly áleýmettik beınerolıkter jáne basqa da broshúralar, jadynamalar, t.b. kórneki úgit-nasıhat arqyly birneshe ret aıtqan bolatynbyz. Ótken jyly shaharda 97 ınternet-alaıaqtar ustaldy», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Internet-alaıaqtyqtyń aldyn alý jáne kıberqylmysqa qarsy kúres bólimsheleriniń jumysynyń tıimdiligin arttyrý maqsatynda aǵymdaǵy jyly birqatar profılaktıkalyq is-sharalar josparlanýda. Sonyń ishinde LED-ekrandarda, bılbordtarda profılaktıkalyq aqparatty ornalastyrý, osy máseleni BAQ-ta keńinen kórsetý, sondaı-aq alaıaqtardyń qurbany bolmaý týraly SMS habarlamalar jiberý, t.b. bar.