İsti polıseıler anyqtap jatyr.
Jigittiń jol jóndeý jumysshysyn qylqyndyryp jatqan sátiniń vıdeosy jelide tarady, dep habarlaıdy Almaty-akshamy.kz
Vıdeo Instagram jelisindegi dorogi_almaty_official paraqshasynda jarıalanǵan.
Vıdeoda qara fýtbolka kıgen jigittiń jumysshyny jerge jyǵyp, qylqyndyryp jatqany kórinedi. Qasynan ótip bara jatqan kýágerlerdiń aıǵaıynan keıin jas jigit jumysshyny bosatty. Zardap shegýshi ornynan turyp, joldyń bir bóligin jabatyn qorshaýdy ornatpaq bolǵan. Al narazy bolǵan júrgizýshi urysyp, kólikke otyryp, ornatylǵan qorshaýdy buzyp, oqıǵa ornynan ketip qalǵan.
Áleýmettik jelidegi jazba avtorlarynyń aıtýynsha, oqıǵa Gagarın men Esqaraev kósheleriniń qıylysynda bolǵan.
Almaty qalalyq polısıa departamenti oqıǵaǵa qatysty málimdeme jasady. Qazir Bostandyq aýdandyq polısıa bóliminiń qyzmetkerleri vıdeodaǵy oqıǵanyń mán-jaıyn anyqtaýda.
"Zardap shekken jumysshy anyqtaldy. Quqyq buzýshynyń jeke basy anyqtalyp jatyr. Onyń áreketine quqyqtyq baǵa beriledi", - delingen vedomstvo habarlamasynda.