2025 jylǵy 12 qyrkúıekte Almaty qalasynyń aýmaqtyq saılaý komısıalary jas saılaýshylar klýbtarynyń alǵashqy saltanatty otyrystaryn ótkizdi. Jas saılaýshylar klýbtary Almaty qalasynyń aýmaqtyq saılaý komısıalarynyń janynan dıalog alańdary túrinde quryldy. Klýbtar qurýdyń maqsaty jastardyń saılaý jáne quqyqtyq mádenıetin arttyrý, Almaty qalasy turǵyndarynyń saılaý belsendiligin jáne saılaý prosesiniń negizgi máseleleri boıynsha jastardyń habardarlyǵyn arttyrý bolyp tabylady. Barlyǵy 9 klýb ashyldy, Almaty qalasy boıynsha biryńǵaı jáne qalanyń ár aýdanynda ókildikter quryldy. Klýbtar quramyna 315-ten astam adam kirdi. Birinshi saltanatty otyrys Muhametjan Tynyshpaev atyndaǵy ALT ýnıversıtetiniń zalynda ótti.
Saılaý prosesiniń ártúrli baǵyttary boıynsha belsendi jáne jandy pikirtalas ótti, jas saılaýshylar ózderin qyzyqtyrǵan barlyq suraqtarǵa jaýap aldy. Qatysýshylar jastardyń quqyqtyq saýattylyǵy men saılaý belsendiligin arttyrýdyń, onyń saılaý prosesine qatysýynyń mańyzdylyǵyn atap ótti. Klýb otyrysyna máslıhat depýtattary, Qoǵamdyq keńes músheleri, memlekettik organdardyń, saıası partıalardyń jáne óńirlik BAQ ókilderi, oqýshylar men stýdenttik ózin-ózi basqarý kóshbasshylary, sondaı-aq óńirlik jastar uıymdarynyń belsendileri, qaýymdastyq ortalyqtarynyń basshylary, saılaý komısıalarynyń músheleri, múddeli jastar qatysty. Klýbtardyń otyrysy toqsan saıyn ótkiziletin bolady.