Olar qalypty ómirge oraldy.
2022 jyly «Arýana» medısınalyq ońaltý ortalyǵynda 1700-ge jýyq pasıent ońaltýdan ótti. Onyń bir myńnan astamy – ınsýlt alǵandar, dep habarlaıdy Almaty-akshamy.kz.
Ortalyq mamandary ınsýlt, aýyr operasıalar men jaraqattar alǵan azamattardyń densaýlyǵyn sheteldik ádistemeler kómegimen qalpyna keltirip, aıaqqa turýyna kómektesedi.
Ortalyq dırektory Shynar Máliktiń sózine súıensek, «Arýana» áleýmettik baǵyt ustanady jáne munda pasıentterge reabılıtasıalyq kómek aqyly túrde kórsetilmeıdi.
«Biz medısınalyq saqtandyrý qorymen 2021 jyldan beri jumys istep kelemiz. Sońǵy 2 jylda klınıkada 2600-den astam adam MÁMS esebinen reabılıtasıalyq kómek alyp, qalypty ómirge oraldy», - deıdi Shynar Málik.
Klınıka reabılıtasıanyń úshinshi jáne ekinshi deńgeıi boıynsha qyzmet kórsetedi. Sonyń ishinde nevrologıa, neırohırýrgıa, kardıologıa, kardıohırýrgıa, travmatologıa, ortopedıa syndy 6 baǵyt bar. Ortalyqtyń klınısıst mamandary pasıentterdi Eýropa men Qytaıdyń tıimdiligi dáleldengen ádistemeleri negizinde emdeıdi.
Shynar Máliktiń aıtýynsha, ortalyq ınsýlt alǵan pasıentterdi erte ońaltýǵa basa mán beredi.
«Insýlt alǵannan keıingi bastapqy úsh aıdyń berer múmkindigi mol. Eger em durys bolsa osy ýaqyt ishinde pasıenttiń ómirin saqtap qana qoımaı, aǵzanyń qyzmeti buzylǵan birshama fýnksıasyn qalpyna keltirýge bolady. Bizde mundaı pasıentterge bilikti psıhologtar, logopedter, fızıoterapevter, emdik-shynyǵý nusqaýshylary jáne taǵy da basqa mamandar qyzmet kórsetedi», - deıdi ol.
Pasıentter ortalyqta orta eseppen 10 kún emdeledi jáne kún saıyn densaýlyqty qalpyna keltiretin em-sharalardy úzdiksiz alyp otyrady. Atap aıtqanda, massaj, fızıoterapıa, kınezıoterapıa seanstarynan ótip, logoped, emdik shynyqtyrý mamandarymen jumys isteıdi. Jattyǵý zaly túrli zamanaýı qondyrǵylarmen jabdyqtalǵan.
Sonymen qatar, munda pasıentterdiń týystary syrqatqa shaldyqqan adamdy durys kútip-baptaý syrlaryn da úırene alady.