Almatyda 310 erekshe balanyń qatysýymen ulttyq ınklúzıvti oıyndar ótkiziledi, dep habarlaıdy Almaty-akshamy.kz.
«Juldyzaı» ulttyq ınklúzıvti oıyndary Balýan Sholaq atyndaǵy sport saraıynda jáne Almaty qalasynyń ortalyq stadıonynda 2022 jylǵy 26-30 qyrkúıek aralyǵynda sporttyń 6 túri boıynsha ótedi: «shaǵyn fýtbol», «ústel tenısi», «jeńil atletıka», «golbol», «bochcha», «bes tas» jáne «asyq atý» ulttyq oıyndary. Qatysýshylar sany 310 bala.
«Juldyzaı» oıyndary QR Mádenıet jáne sport mınıstrliginiń «QR 2022 jylǵy sporttyq-buqaralyq is-sharalardyń biryńǵaı kúntizbelik josparyna» endi. Oıyn jeńimpazdary halyqaralyq jarystarǵa qatysyp, sporttyq razrádtar ala alady.
Bıyldan bastap «Juldyzaı» ulttyq ınklúzıvti oıyndaryna aınalǵan «Juldyzaı» spartakıadasy elimizdegi erekshe bilim berý qajettilikteri bar 10-18 jas aralyǵyndaǵy balalar men jasóspirimder qatysatyn jalǵyz kásibı sporttyq jarystar bolyp tabylady.
«Juldyzaı» korporatıvtik qory kóp jyldar boıy erekshe balalardyń ómirin jaqsartýǵa, shyǵarmashylyq jáne sporttyq qabiletterin damytýǵa baǵyttalǵan shyǵarmashylyq, sporttyq, medısınalyq jáne áleýmettik jobalardy júzege asyryp keledi.
Salaýatty ómir saltyn qalyptastyrý jáne nasıhattaý, damý múmkindigi shekteýli balalardy sportqa tartý, olardy áleýmettendirý jáne qoǵamǵa ıntegrasıalaý, ınklúzıvti sportty damytý úshin sporttyq ınfraqurylymdy qurý jáne nyǵaıtý bizdiń jastar úshin ınklúzıvti oıyndardy ótkizýdiń negizgi maqsattary bolyp tabylady.
«Juldyzaı» ulttyq ınklúzıvti oıyndarynyń bas seriktesteri bolyp BI Group Qurylys holdıńi men "Samuryq-Qazyna" qory tabylady. Inklúzıvti oıyndardy ótkizýge QR Ulttyq paralımpıada komıteti, Almaty qalasynyń ákimdigi, Almaty qalasynyń sport basqarmasy, "Sport qory" qory, óńirlerdiń ákimdikteri men sport túrleri boıynsha federasıalar qoldaý kórsetti.