Kúdiktiler №85 baǵyttaǵy qoǵamdyq kólikte jasalǵan qylmystan keıin ustaldy
Almaty polıseıleri qoǵamdyq kólikte eldiń qaltasyndaǵy zattaryn urlap kelgen úsh áıeldi ustady, dep habarlaıdy Almaty-akshamy.kz.
Olar azamattardyń qaltasyn qaqqan. Kúdiktiler №85 baǵyttaǵy qoǵamdyq kólikte jasalǵan qylmystan keıin ustaldy. Sol jerde jolaýshynyń qaltasynan qujattary men aqshasy salynǵan ámıandy sýyryp alǵan.
– Qazirgi tańda sotqa deıingi tergeý amaldary júrgizilýde. Kúdiktiler – 1989 jyly týǵan K.esimdi azamatsha, 1989 jyly týǵan V.esimdi azamatsha jáne 2000 jylǵy V.esimdi azamatsha. Olar Almaty oblysynyń turǵyndary. Qazir ustalǵan adamdardyń osyǵan uqsas basqa da qylmystarǵa qatysy bar-joǵy anyqtalýda. Atalǵan derek boıynsha qylmystyq is sotqa deıingi tergeýdiń biryńǵaı tizilimine tirkeldi, – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Bir qyzyǵy ustalǵan úsh adamnyń ekeýi buryn da birneshe ret qalta urlyǵy boıynsha sotty bolǵan, múmkin bul áıelderdiń qoǵamdyq kólikte jasaǵan jalǵyz epızody emes shyǵar.