Almatyda memlekettik kolejder bazasynda taǵy eki Quzyret ortalyǵy ashyldy. Bul «Qurylys» baǵyty boıynsha quzyretti ortalyq - Almaty qurylys-tehnıkalyq kolejiniń bazasynda jáne Almaty polıgrafıa kolejiniń bazasynda Baspa-polıgrafıa salasynyń quzyrettilik ortalyǵy, dep habarlaıdy Almaty-akshamy.kz.
Ortalyqtar zamanaýı jabdyqtarmen jabdyqtalǵan. Almaty qurylys-tehnıkalyq kolejinde 5 oqý-óndiristik sheberhana, zerthana, 5 oqý aýdıtorıasy qarastyrylǵan. Jıhaz óndirisi úshin formatty kesý mashınasy satyp alyndy, Sandyq baǵdarlamalyq jasaqtama, jıekterdi qaptaý mashınalary, vakýmdyq prester jáne basqa da qajetti jabdyqtar.
Almaty memlekettik kolejinde polıgrafıa ortalyǵy jarnamalyq, kádesyı-syılyq, mereıtoılyq, aksıdenttik ónimderdiń keń assortımentin óndirýge arnalǵan zamanaýı tehnıkamen jabdyqtalǵan. Ortalyqqa 3 oqý-óndiristik sheberhana men 3 zerthana kiredi. Óndiristik praktıkany bir ýaqytta 500 stýdent ótkize alady.
Ortalyqtyń ashylý saltanatyna Almaty qalasy ákiminiń orynbasary Ásem Núsipova, óndiris ókilderi, jumysshy mamandyqtary boıynsha halyqaralyq konkýrstardyń jeńimpazdary jáne t. b. qatysty.
«Ortalyqtardy ashýdyń negizgi mindeti - TjKB salasynda oqytý sapasyn arttyrý, joǵary bilikti kadrlardy daıarlaý úshin jumys berýshilermen baılanysty nyǵaıtý. Kolej stýdentteri qazirdiń ózinde Worldskills halyqaralyq chempıonatynda júldeli oryndarǵa ıe. Sondyqtan olardy odan ári yntalandyrý, olardyń daǵdylaryn jetildirý úshin tehnologıalyq jaǵdaılar jasaý qajet»,- dedi Almaty qalasy ákiminiń orynbasary Ásem Núsipova.
Eske salaıyq, qalada memlekettik kolejder bazasynda tórt quzyretti ortalyq jumys isteıdi. Máselen, quzyretti ortalyqta Týrızm jáne qonaqjaılylyq ındýstrıasy koleji bazasynda kondıter-bezendirýshi, týrısik agent, barmen-barısta jáne t.b. mamandyqtar boıynsha oqytylady. Quzyret ortalyǵy Almaty memlekettik kolejiniń bazasynda tehnıkalyq prosesti avtomattandyrý jáne basqarý, elektrmen jabdyqtaý, radıotehnıka, elektronıka jáne telekomýnıkasıa, energetıka jáne elektrondyq tehnologıalar salalarynda mamandar daıarlaıdy. Al «Azyq-túlik tehnologıalary» quzyrettilik ortalyǵy Almaty servıstik qyzmet kórsetý kolejiniń bazasynda et jáne túrli tamaq ónimderin óndirýmen, sondaı-aq qonaq úı sharýashylyqtaryna qyzmet kórsetýmen baılanysty mamandardy daıarlaıdy. Almaty memlekettik servıs jáne tehnologıa kolejiniń bazasynda qazirgi zamanǵy standarttarǵa sáıkes tigin isi boıynsha tájirıbe alýǵa bolady.
Almaty qalasyn damytýdyń jol kartasy aıasynda 2025 jylǵa deıin taǵy 12 quzyret ortalyǵyn ashý josparlanýda.
Osy kúni Almaty qurylys-tehnıkalyq kolej stýdentterine arnalǵan 60 oryndyq jataqhana ashyldy. Stýdentterdiń ózderi jıhazdyń bir bóligin daıyndaǵany erekshe. Jataqhanada jaıly ómir súrý úshin barlyǵy bar.
