Jetisý oblysy ákiminiń ókimimen Ulan Ǵalymuly Rysqul Jetisý oblysynyń dene shynyqtyrý jáne sport basqarmasynyń basshysy bolyp taǵaıyndaldy, dep habarlaıdy Almaty-akshamy.kz.
Ulan Ǵalymuly Rysqul 1986 jyly týǵan, bilimi joǵary. Ál-Farabı atyndaǵy Qazaq ulttyq ýnıversıtetin quqyqtaný, D.A.Qonaev atyndaǵy kólik jáne quqyq gýmanıtarlyq ýnıversıtetin qarjy, Aımaqtyq áleýmettik-ınovasıalyq ýnıversıtetin dene shynyqtyrý jáne sport mamandyqtary boıynsha bitirgen.
Dzúdodan Qazaqstannyń 3 dúrkin chempıony, Azıanyń eki dúrkin chempıony, álem kýbogynyń kúmis júldegeri. «Qazaqstan Barysy» týrnıriniń tuńǵysh jeńimpazy. Qazaq kúresinen QR sport sheberi.
Eńbek jolyn Astana qalasynda QR Mádenıet, aqparat jáne sport mınıstrligi Sport isteri komıtetiniń «Ulttyq shtattyq komandalar jáne sport rezervi dıreksıasy» RMQK dzúdodan (erler) QR ulttyq shtattyq komandasynyń nusqaýshy-sportshysy bolyp bastaǵan.
Ár jyldarda QR Týrızm jáne sport mınıstrliginiń Sport jáne dene shynyqtyrý agenttiginiń dzúdodan (erler) QR ulttyq shtattyq komandasynyń nusqaýshy-sportshysy, «Bagueri Asia» JSHS menedjeri, «Halyqaralyq «Qazaq kuresi» federasıasy» qaýymdastyq nysanyndaǵy zańdy tulǵalar birlestiginiń bas hatshysynyń keńesshisi, bas hatshysy laýazymdaryn atqardy.
2021 jyldyń sáýirinen – Almaty oblysynyń dene shynyqtyrý jáne sport basqarmasynyń «İle aýdany balalar men jasóspirimder sport mektebi» KMM dırektory.