Keltirilgen shyǵyn kólemi 18 mlrd teńgeden asady.
Qarjylyq monıtorıń agenttigi birqatar kompanıany reıderlik jolmen basyp alý faktisi boıynsha sotqa deıingi tergeý júrip jatqanyn málimdedi, dep habarlaıdy Almaty-akshamy.kz
Aldyn ala boljam boıynsha, zardap shegýshilerge keltirilgen shyǵyn kólemi 18 mlrd teńgeden asady.
Vedomstvo ókilderiniń málimetinshe, 14 shilde kúni R. Babaev, T. Tanashev, D. Ábıjanov jáne A. Altybasarovqa qatysty sot qamaýǵa alýdy sanksıalady. Qospaev, Shalın jáne Imashev halyqaralyq izdeýge jarıalandy.
«Múlikti anyqtaý jáne tyıym salý sharalary qabyldandy. Joǵaryda atalǵan azamattardyń 9 mln AQSH dollaryna jýyq qarajaty, zergerlik buıymdary qamaýǵa alyndy. Kúdiktiler men olarǵa qatysty tulǵalardyń 154 jyljymaıtyn múlik obektisi, 19 kólik tárkilendi», - delingen QR QMA baspasóz qyzmetiniń aqparatynda.
Agenttik sotqa deıingi tergeý jalǵasyp jatqanyn habarlady. QR QPK 201-babyna sáıkes, ózge málimetter jarıa etilýge jatpaıdy. Vedomstvodaǵylar Qarjylyq monıtorıń agenttigine osy top músheleriniń reıderlik áreketinen zardap shekken azamattardan aryzdar áli de túsip jatqanyn atap ótti.