Túrki halyqtarynyń alǵashqy pasporty tabyldy
Halyqaralyq Túrki akademıasynyń prezıdenti Darhan Qydyráli Mońǵolıa jerinen tabylǵan Qutlyq qaǵannyń kesheni týraly aıtty, dep habarlaıdy Almaty-akshamy.kz Baq.kz-ke cilteme jasap.
"Bul óte úlken jańalyq. Bilge qaǵan men Kúlteginniń ákesi, ekinshi Túrik qaǵanatyn qaıta tiriltken Qutlyq qaǵannyń kesheni tabyldy. Bul - barsha túrki álemi úshin, sonymen qatar búkil kóshpeli jurt úshin keremet jańalyq. Mundaı qýanyshqa biz júıeli jumystardyń nátıjesinde baýyrlas memleketterdiń qoldaýymen jáne Mońǵolıanyń jeke qoldaýymen, ózara dostyqpen quralǵan senimniń nátıjesinde jetip otyrmyz. Bul jumystar ári qaraı jalǵasady. Sebebi biz bir ǵana keshendi ashyp otyrmyz", - dedi Darhan Qydyráli ortalyq komýnıkasıalar alańynda ótip jatqan brıfıńte.
Spıkerdiń aıtýynsha, mundaı áli 9 keshen bar.
"Biraz jylǵa jeter jumys kútip tur. Bul úlken keshendi túriktiń tasqa basylǵan alǵashqy pasporty dep aıtýǵa bolady. Óıtkeni “túrik” ataýy birinshi ret Qutlyq qaǵan jazbasynda kezdesip otyr. Sondyqtan bul kıiz týyrlyqty halyqtardyń ortaq pasporty desek bolady", - dedi Darhan Qydyráli.