Aýa raıynyń nasharlaýyna baılanysty Almatynyń tártip saqshylary jol qozǵalysyna qatysýshylardy qaýipsizdik sharalaryn kúsheıtýge shaqyrady, dep habarlaıdy Almaty-akshamy.kz qalalyq polısıa departamentiniń baspasóz qyzmetine silteme jasap.
"Halyqty jol qozǵalysy erejelerin múltiksiz saqtaýǵa, kólik júrgizý mádenıetin jáne muqıattylyqty arttyrýǵa shaqyramyz. Bul úndeý qazir óte ózekti jáne qala joldarynda qaıǵyly oqıǵalardy boldyrmaýǵa septigin tıgizedi", - dedi Almaty qalalyq PD jergilikti polısıa qyzmeti basqarmasynyń bastyǵy, polısıa polkovnıgi Erjan Uzabaev.
Almaty PD JPQB kezekshi bóliminiń málimetinshe, ótken táýlikte qalada 158 JKO tirkeldi, 25 adam jaraqat alǵan. Qaıtys bolǵandar joq.