Ekonomıka mınıstriniń aıtýynsha, 2022 jyly 15,4 mln sharshy metr turǵyn úı paıdalanýǵa berildi. Al bul 2021 jylmen salystyrǵanda 8,8%-ǵa tómen, dep habarlaıdy Almaty-akshamy.kz.
"Bir jyl ishinde oryndalǵan qurylys jumystarynyń kólemi 9,4%-ǵa ulǵaıdy. Kórsetkishtiń oń ósýi 18 óńir boıynsha tirkeldi. Qurylys-montajdaý jumystarynyń eń joǵarǵy ósýi Aqmola, Almaty, Atyraý oblystarynda jáne Shymkent qalasynda baıqaldy. 2022 jyly 15,4 mln sharshy metr turǵyn úı paıdalanýǵa berildi, bul 2021 jylmen salystyrǵanda 8,8%-ǵa kem", – dedi mınıstr.
Ásirese, kórsetkishtiń tómendeýi Almaty jáne Astana qalalarynda, sondaı-aq Ulytaý, Mańǵystaý, Soltústik Qazaqstan jáne Atyraý oblystarynda paıdalanýǵa berilgen turǵyn úı sanynyń azaıǵandyǵy esebinen bolyp tur.
"Basqa 14 óńirde oń ósý tirkeldi. Eń joǵarǵy kórsetkishter Pavlodar, Shyǵys Qazaqstan, Jetisý oblystarynda jáne Shymkent qalasynda baıqaldy", – dedi mınıstr.