İlgerileý qurylys, aýyl sharýashylyǵy, aqparat jáne baılanys, saýda, kólik jáne qoımalaý, óńdeý ónerkásibi salalarynda baıqaldy.
Ulttyq ekonomıka mınıstri Álibek Qýantyrov byltyr Qazaqstannyń jalpy ishki ónimi qanshaǵa óskenin málimdedi, dep habarlaıdy Almaty-akshamy.kz
«Teris syrtqy faktorlarǵa qaramastan, 2022 jyldyń qorytyndysy boıynsha Qazaqstan ekonomıkasy 3,1% deńgeıde turaqty ósimge qol jetkizdi. Onyń ishinde naqty sektordaǵy ósim 3,2%-dy, al qyzmet kórsetý salasynda 2,5%-dy qurady», - dedi mınıstr.
Oń ósim qurylys, aýyl sharýashylyǵy, aqparat jáne baılanys, saýda, kólik jáne qoımalaý, óńdeý ónerkásibi salalarynda tirkelgen. Taý-ken óndirý ónerkásibinde óńdeý qarqyny 1%-ǵa tómendedi. Negizgi kapıtalǵa salynǵan ınvestısıalardyń ósý qarqyny 7,8% boldy.
2022 jylǵy qańtar-qarashada syrtqy saýda taýar aınalymy 33,4%-ǵa ósip, 122,2 mıllıard dollardy qurady. Onyń ishinde eksport boıynsha kórsetkish 42,4%-ǵa ósip, 77,6 mıllıard dollarǵa deıin jetti. Bul rette óńdelgen taýar eksporty 33,8%-ǵa ulǵaıyp, 24,1 mıllıard dollardy qurady. Taýar ımporty 44,6 mıllıard dollarǵa teń.
«Jalpy, oń saýda balansy 33,1 mıllıard dollardy qurap otyr», - dedi Qýantyrov.
Sonymen qatar, óńdeý ónerkásibinde de oń ósim saqtalyp otyr. Óndiris kólemi 3,4%-ǵa artqan.