Elimizde jyl saıyn 13 myńǵa jýyq adam qaterli isik aýrýynan kóz jumady. Jylyna 40 myńnan astam turǵynnan onkologıalyq dert anyqtalady, dep habarlaıdy Almaty-akshamy.kz.
Onyń 5 myńy sút bezi, 4 myńǵa jýyǵy ókpe ragy. Bul týraly Almatyda ótken Best of ASCO Kazakhstan-2023 onkologtar samıtinde aıtyldy. Oǵan 7 elden mamandar keldi. Halyqaralyq jáne otandyq sarapshylar aty jaman aýrýdy emdeýdiń dıagnostıkasynyń jańa tásilderin talqylady. Sondaı-aq, naýqastardyń ómirin uzartýǵa septigin tıgizetin medısınalyq preparattardy tanystyrdy, -dep jazdy 24.kz. Ókinishke oraı, sońǵy kezde bul aýrý jas talǵamaı barady. Buryn egde jastaǵy adamdar shaldyqsa, qazir 45-50 jastaǵylarda jıi kezdesedi.
- 3 aı saıyn jańa dáriler shyǵyp jatyr. Sebebi, farmakologıa jaǵynan kóptegen ımmýnmonkologıalyq dáriler shyqty. Targettik preparattar, solardy zamanmen birge bir qadam basý úshin osyndaı úlken kongrester qajet. Sebebi, birinshi ol aqparat jetkizý. Ekinshi, egerde ol preparattar rekomendasıa boıynsha emdik protokolda engizilse, sonda bizde engizý úshin, bizdiń respýblıkada regıstrasıa jasaý úshin halyqqa jetkizý úshin sondaı jumystar qajet, -deıdi qazaq onkologıa jáne radıologıa ǴZI basshysynyń orynbasary Baqytjan Ońǵarbaev