Bul týraly Ahmet Baıtursynuly mýzeıiniń meńgerýshisi Ádilet Ahmet áleýmettik jelide jazdy.
Ult ustazy Ahmet Baıtursynulynyń jurt baıqamaı júrgen bir kitapshasy tabyldy, dep habarlaıdy Almaty-akshamy.kz
Barshaǵa málim Ahmet Baıtursynulynyń "Qyryq mysalynyń" ishindegi "Maımyl men kózildirik" shyǵarmasy jeke kitap retinde tabyldy. Kitap osydan 101 jyl buryn Tashkende sýretti úlgide basylǵan. Ǵalym aýdarǵan qundy eńbektiń bir parasy basylym kórgenine 101 jyl ótken.
«Maımyl men kózildirik» atty mysal kitapsha 1922 jyly Tashkentte basylǵan. Túrkistan respýblıkasynyń baspasóz shyǵarýshy mekemesi jaǵynan basylym kórgen bul jádiger Ult ustazynyń kózindeı qymbatty mura deýge bolady. Kitapsha sýretti úlgide basylǵan. Bas-aıaǵy 12 betten turatyn kitapshanyń jobasy kisiniń kózin tartyp, kóńiline túrli oı salady.Kitaptyń muqabasynda japa-tarmaǵaı aǵash basyna órmelegen maımyldar beınelengen. «Maımyl men kózildirik» atty kitap atynan keıin «I. A. Krylov hıkaıasynan qazaqshalap jazýshysy A. Baıtursynov» dep kórsetilgen" dep jazdy avtor.
Sondaı-aq, ol kitaptyń basqy betteri jyrtylǵanyn jáne keı áripteri kórinbeıtinin jazdy.