Naýqan «Balalardyń joldaǵy qaýipsizdigi» respýblıkalyq is-sharalar aıasynda ótkizildi.
Almatyda balalardyń qatysýymen fleshmob ótti, dep habarlaıdy Almaty-akshamy.kz Polisia.kz-ke silteme jasap.
Polısıa qyzmetkerleri «Jol qozǵalysy qaýipsizdigi» Qazaq ǵylymı-zertteý ınstıtýtynyń ókilderimen birge Naýryzbaı aýdanyndaǵy orta mektepterdiń oqýshylarymen kezdesip, olarǵa qaýipsizdik sharalaryn eske saldy.
«Bul shara jaıaý júrginshiler arasyndaǵy kólik tártibin jaqsartýǵa, jol-kólik oqıǵalarynyń sanyn azaıtýǵa, sondaı-aq jol qozǵalysy erejelerin buzýdyń aldyn alýǵa baǵyttalǵan. Túsindirý jumysymyzda kósheni belgilenbegen jerden kesip ótý, jol boıynda jáne onyń mańynda oınaý máselelerine basa nazar aýdaramyz. Sonymen qatar, JAİ aıasynda jolda júrý erejelerin túsindirý jáne joldarda qaýipsiz júris-turys daǵdylaryn qalyptastyrý boıynsha reıdtik-profılaktıkalyq is-sharalar júrgizdik. Jas qatysýshylarǵa shaǵylystyratyn bilezikter tabystadyq», – dep habarlady Almaty qalasy PD JPQB ıývenaldy polısıa bóliminiń bastyǵy Janna Shonjanova.