Almatyda HÁOT sanatyndaǵy otbasylardyń 20 myń oqýshysy «Jappaı oqytý» qorynan kómek alady, dep habarlaıdy Almaty-akshamy.kz
Almatyda aǵymdaǵy jyly «Jappaı oqytý» qorynan beriletin kómek somasy mektep formasy men keńse kerek-jaraqtaryn satyp alý úshin bir balaǵa 43 myń teńgeni quraıdy. «Jappaı oqytý» qory jergilikti búdjetten qarjylandyrylady. Bıyl materıaldyq kómek alý quqyǵyna myna otbasylardyń 20 myńǵa jýyq oqýshy ıe, olar:
1) memlekettik ataýly áleýmettik kómek alatyndar;
2) jan basyna shaqqandaǵy ortasha tabysy eń tómengi kúnkóris deńgeıinen tómen memlekettik AÁK almaıtyndar;
3) jetim balalar jáne ata-anasynyń qamqorlyǵynsyz qalǵan balalar;
4) tótenshe jaǵdaılardyń saldarynan shuǵyl kómekti talap etetin jaǵdaılarda;
5) bilim berý uıymynyń alqaly organy aıqyndaıtyn bilim alýshylar men tárbıelenýshilerdiń ózge de sanattary.
Alǵashqy eki jaǵdaıda ata-ana nemese zańdy ókil eGov nemese halyqty jumyspen qamtý ortalyǵy arqyly ótinish berýi qajet. Basqa jaǵdaılarda-bilim berý uıymyna rastaıtyn qujattardy usyný kerek. Tizimder oqý jylynda bir-aq ret jasalady.
Joǵaryda atalǵan sanattarǵa kirmeıtin oqýshylar «Mektepke jol – shekarasyz jaqsylyq» respýblıkalyq aksıasy aıasynda demeýshiler men mesenattar esebinen kómek ala alady. Aksıa bıyl 1 tamyzda bastalyp, 30 qyrkúıekte aıaqtalady.
Búginde demeýshiler mektep formasynyń 4,5 myńnan astam jıyntyǵyn jáne mektep kerek-jaraqtary bar myńdaǵan rúkzaktar satyp aldy. Qazirgi kezde aýdandyq bilim bólimderinde kómekke muqtaj adamdardyń tizimi jasalýda. «Mektepke jol – shekarasyz jaqsylyq» aksıasy aıasynda mektep formasy men keńse kerek-jaraqtaryn alý úshin oqıtyn jeri boıynsha bilim berý uıymyna ótinish berý qajet.
Demeýshiler, mesenattar jáne balalarǵa kómek kórsetýge nıet bildirgen qalanyń barlyq turǵyndary aýdandyq bilim bólimderine saǵat 9.00-den 18.00-ge deıin kelesi nómirler boıynsha habarlasa alady:
- Alataý aýdany boıynsha: 87006131198
- Almaly aýdany boıynsha: 87470448553
- Áýezov aýdany boıynsha: 87025395397
- Bostandyq aýdany boıynsha: 87772806650
- Jetisý aýdany boıynsha: 87472940554
- Medeý aýdany boıynsha: 87759194000
- Naýryzbaı aýdany boıynsha: 87089359498
- Túrksib aýdany boıynsha: 87479013814.