213 mektep tolyq jóndeýden ótedi.
Premer-Mınıstr qazirgi tańda bilim berý obektileriniń bári birdeı qaýipsizdik talaptaryna saı emes ekenin aıtyp ótti, dep habarlaıdy Almaty-akshamy.kz
«Bul máseleni erekshe baqylaýǵa alyp, balalardyń qaýipsizdigi úshin tez arada tıisti sharalardy qabyldaý qajet», — dedi Álıhan Smaıylov.
Úkimet basshysy myna máselelerge nazar aýdardy
Birinshi. Bilim berý nysandarynyń bári oqý jylyna 100% daıyn bolýy tıis.
Ekinshi. Óńir ákimdikteri bilim berý uıymdarynyń beınebaqylaý júıelerin İshki ister organdarynyń Jedel basqarý ortalyqtaryna shyǵarýdy jedeldetýi qajet. • Sonymen qatar mektepterdi kúzetýge lısenzıalanǵan uıymdardy tartý jónindegi talaptardyń saqtalýyn qamtamasyz etsin. • Oqý-aǵartý mınıstrligi İshki ister mınıstrligimen birlesip, bilim berý baǵdarlamasyna Jol qozǵalysy erejelerin úıretýdi mindetti túrde engizý, jumys istep júrgen ınspektorlardy osy jumysqa tartý máselesin qarastyrsyn.
Úshinshi. Óńir ákimdikteri kómekke muqtaj balalardy memlekettik qoldaý sharalarymen 100% qamtamasyz etýi qajet. • Mektep taýarlaryn tómen baǵamen satý úshin mektep jármeńkelerin jáne shalǵaı aýyldarǵa shyǵatyn avtodúkenderdi uıymdastyrý qajet. • Saýda mınıstrligi «Atameken» palatasymen jáne ákimdiktermen birlesip, mektepke qajetti kerek-jaraqtar baǵasynyń turaqty bolýyn qamtamasyz etsin. • Indýstrıa mınıstrligi «Atameken» palatasymen birlesip, mektep formasynyń qunyna qatysty máseleni pysyqtasyn.
Tórtinshi. Óńir ákimdikteri mektepterge oqýlyqtardyń qajetti sanyn jetkizýdi qamtamasyz etsin.
Besinshi. Ǵylym jáne joǵary bilim mınıstrligi jáne óńir ákimdikteri joǵary oqý oryndary men kolejderdiń basqa qalalardan kelgen stýdentterin jataqhanalardaǵy oryndarmen qamtamasyz etý jóninde sharalar qabyldasyn.