Shýly jáne jyldam kólik júrgizýdi unatatyndarǵa salynǵan aıyppul kólemi 1 mıllıon 800 myń teńgeni qurady.
Ótken túnde Almaty joldarynda rezonatorlar men tikeleı aǵyndardy qoldana otyryp, kólikterdi zańsyz qaıta jabdyqtaǵan 63 zań buzýshylyq anyqtaldy, dep habarlaıdy Almaty-akshamy.kz.
«Shýly jáne jyldam kólik júrgizýdi unatatyndarǵa salynǵan aıyppul kólemi 1 mıllıon 800 myń teńgeni qurady. Aıyppul turaǵyna 4 kólik ornatyldy, 59 avtokólik ıesinen memlekettik tirkeý nómirlik belgileri tárkilendi, ol kemshilikter joıylǵannan keıin qaıtarylady», - dedi, Almaty qalalyq polısıa Departamenti bastyǵynyń orynbasary, polısıa polkovnıgi Nurlan Almasbekov.
Almaty qalalyq polısıa Departamenti Baspasóz qyzmetiniń málimetinshe, jyl basynan beri kólikterdi zańsyz qaıta jabdyqtaǵany, azamattardyń tynyshtyǵyn buzatyn rezonatorlar men tikeleı aǵyndardy qoldanǵany úshin eki myńǵa jýyq adam ákimshilik jaýapkershilikke tartyldy. Olarǵa 91 mıllıon teńgeden astam aıyppul salyndy.
Aıta ketý kerek, quqyq buzýshylar, kúrkiregen áser týdyratyn tútin shyǵarý júıesiniń aýystyryp-qosqyshyn muqıat jasyrǵan faktiler de anyqtalýda. Mundaı jaǵdaılarda kólik saraptamaǵa jiberiledi, zertteýge ketken shyǵynnyń ornyn toltyrý kólik ıesine júkteledi», - dep túıindedi, polkovnık Almasbekov.