Bul rette vaksınanyń ashylǵan qutysyn 4 saǵatqa deıin saqtaýǵa jol beriledi.
QR Bas sanıtar dárigeri Erlan Qısáovtyń 3 qyrkúıektegi qaýlysy boıynsha QazCovid-in vaksınasyn egý jáne saqtaý tártibi bekitildi, dep habarlaıdy Almaty-akshamy.kz.
«QazCovid-in vaksınasyn shyǵarý nysany: 0,5 ml (bir doza), 1,0 ml (eki doza), 1,5 ml (úsh doza), 2,5 ml (bes doza), syıymdylyǵy 3 ml, rezeńke tyǵynmen tyǵyndalǵan jáne Flip-off tıpti plasıkalyq qaqpaǵy bar metal qalpaqpen oralǵan, Ι synyptaǵy tússiz shynydan jasalǵan qutyda bolady», - dep jazylǵan qujatta.
Sondaı-aq, vaksına qutysy kelýshilerdiń sany ishindegi doza sanyna sáıkes rettelip ashylatyny aıtylǵan. Bir ret ınemen tesilgen qutydaǵy artylǵan vaksınany tıisti temperatýrada 4 saǵat boıy saqtaýǵa bolatyny kórsetilgen.
«Inemen tesilgen ornyn spırtpen óńdep, vaksına dozasyn alǵannan keıin ishinde vaksınasy bar ashylǵan qutyny birden qutyda ashylǵan ýaqytyn kórsete otyryp, temperatýrasy plús 2-den plús 8ºS-qa deıingi tońazytqyshqa ornalastyrady. Bul rette vaksınanyń ashylǵan qutysyn 4 saǵatqa deıin saqtaýǵa jol beriledi», - dep jazylǵan qaýlyda.
Eske salsaq, Bas sanıtar dárigerdiń osy qaýlysynda vaksına pasporty Qazaqstanda jaramdy elderdiń tizimi jańartylǵan bolatyn.