Shardjadan Nur-Sultan, Almaty, Shymkent jáne Aqtaýǵa FlyArystan ushaqtary qatynaıdy.
17 qazannan bastap otandyq loýkoster FlyArystan Shardjaǵa (BAÁ) Nur-Sultannan, Almatydan, Shymkentten jáne Aqtaýdan reıster ashady, dep habarlaıdy Almaty-akshamy.kz Aikyn.kz-ke silteme jasap.
Kaz.tengritravel.kz málimetinshe, turaqty ári charterlik reıster Shardja halyqaralyq áýejaıyna oryndalatyn bolady, bılettiń eń tómengi quny bir baǵytta ushý úshin 39 999 teńgeden bastalady. Ár qaladan ushý turaqtylyǵy – aptasyna 3 ret, Almatydan ushý jıiligi apta saıyn 5 esege deıin artýy múmkin.
17 qazannan bastap (seısenbi, sársenbi, juma, senbi, jeksenbi)
- Almaty – Shardja – Almaty. Quny – 59 999 teńge.
31 qazannan bastap (dúısenbi, beısenbi, senbi)
- Aqtaý – Shardja – Aqtaý. Quny – 39 999 teńge;
- Shymkent – Shardja – Shymkent. Quny – 39 999 teńge.
31 qazannan bastap (seısenbi, juma, jeksenbi)
- Nur-Sultan – Shardja – Nur-Sultan. Quny – 59 999 teńge.
«Arab Ámirlikteri – kóptegen qazaqstandyqtardyń súıikti demalys orny. Kúzgi-qysqy kezeńde Parsy shyǵanaǵynyń qumdy jaǵajaılary keremet demalys syılaıdy, al saýda boıynsha álemdegi myqtylardyń biri. Qazaqstannyń 4 qalasynan tikeleı reısterdiń paıda bolýymen demalys qoljetimdi bolady, óıtkeni buryn mundaı arzan usynystar bolǵan joq. FlyArystan tek ishki baǵyttarǵa ǵana emes, sonymen qatar mınımaldy tarıfter men jaıly sharttar boıynsha túrli halyqaralyq áýe qatynastaryn usynýǵa tıimdi usynystarmen qýantýǵa daıyn», – dedi loýkosterdiń jelilik josparlaý jónindegi dırektory Renat Ábilhanov.