Almaty polısıasy qoǵamda “quqyq buzýshylyqqa múldem tózbeýshilikti” qalyptastyrýǵa erekshe kóńil bóledi, dep habarlaıdy Almaty-akshamy.kz Polisia.kz-ke silteme jasap.
«Múldem tózbeýshilik – usaq tártip buzýshylyq, tynyshtyqty buzý jáne basqa da usaq quqyqbuzýshylyqtarǵa teris reaksıa. Árbir adam azamattardyń quqyǵyn qurmettep, qoǵamdyq tynyshtyqty buzbaı, mádenıetin tanytýy kerek. Búgingi kúni kóshedegi qylmystardyń aldyn alýdyń negizgi tutqasy – ákimshilik quqyqbuzýshylyqtardyń der kezinde jolyn kesý, sondaı-aq olardyń jasalýyna múldem tózbeýshilik tanytý. Bul salaǵa erekshe mán berilýde, óıtkeni qoqys shyǵarý, jol qozǵalysy erejelerin buzý jáne basqa da zańsyz kórinister bolsyn, usaq quqyqbuzýshylyqtar úshin jazalanbaý azamattardyń bolashaqta asa aýyr áreketter nemese qylmystar jasaýynyń alǵysharttaryna ákeledi», – dedi, Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Sondaı-aq usaq quqyqbuzýshylyqtardyń jolyn kesýde qaladaǵy zańdylyq pen quqyqtyq tártiptiń jaı-kúıine beıjaı qaramaıtyn azamattyq qoǵamdastyqqa erekshe ról júktelgenin aıta ketken jón
«Belsendiler, ádette, buqaralyq aqparat quraldary men áleýmettik jeliler arqyly ózderine belgili derekterdi habarlaıdy. Osyǵan baılanysty biz joǵaryda atalǵan resýrstarǵa keńinen monıtorıń júrgizemiz. Tek sońǵy táýlik ishinde bizdiń bólimsheniń qyzmetteri quqyqbuzýshylyqqa shydamsyzdyq qaǵıdatyn iske asyrý aıasynda 979 myńnan astam quqyq buzýshyny ákimshilik jaýapkershilikke tartty. Ákimshilik aıyppul somasy 5 mln teńgeden astam somany qurady. Aıtpaqshy, olardyń arasynda, jalpy aýmaqtardy lastaıtyndar da bar. Qalany abattandyrý boıynsha qoldanystaǵy erejeler men ákimshilik zańnama normalaryna qaramastan, qalamyzdyń keıbir turǵyndary men qonaqtary kóshege qoqys tastaýdy, turmystyq qaldyqtardy shyǵarýdy jalǵastyryp keledi», – dedi Erjan Uzabaev.