Densaýlyq saqtaý salasynyń mamandary qyzylshanyń aldyn alýdyń jalǵyz tıimdi joly vaksınasıa dep sanaıdy
Almaty qalasynda alǵashynda qyzylsha juqtyrýdyń 91 kúdikti jaǵdaıy tirkelgen, onyń 73-i zerthanalyq rastalǵan. Qyzylsha ınfeksıasynyń aldyn alýdyń jalǵyz tıimdi joly - vaksınasıa. Mundaı aqparatty Óńirlik komýnıkasıalar qyzmetiniń brıfıńinde Qoǵamdyq densaýlyq saqtaý basqarmasynyń ókilderi men qala epıdemıologtary aıtty, dep habarlaıdy almaty-akshamy.kz
Qyzylsha – aýa-tamshyly ınfeksıalar tobyna jatatyn jiti juqpaly vırýstyq aýrý. Aýrý adamnan adamǵa aýa arqyly, tynys alý joldarynan bólinetin tamshylarmen nemese juqtyrǵan adamdardyń murnynan nemese tamaǵynan bólinetin zattarmen tikeleı baılanysta bolýdan juǵady.
«Qyzylshanyń zerthanalyq rastalǵan 73 jaǵdaıynyń 56-sy (76,7%) der kezinde qyzylshaǵa qarsy egilmegen, onyń ishinde 25 (50,0%) ata-anasynyń ekpeden bas tartýyna baılanysty, 16 (28,6%) medısınalyq qarsy kórsetilimderge baılanysty, 7 adam(12,5%) – vaksınasıa jasyna jetpeýine baılanysty jáne 6 (9,6%) eresek adam – belgisiz ımýndyq statýsy bar», – dedi Almaty qalasy sanıtarlyq-epıdemıologıalyq baqylaý departamenti basshysynyń orynbasary Ásel Qalyqova.
Spıker Almaty qalasyndaǵy qyzylsha aýrýynyń epıdemıologıalyq ahýalyna kóshi-qon úderisi áser etkenin atap ótti.
Qoǵamdyq densaýlyq saqtaý basqarmasynyń málimeti boıynsha, Almatyda vaksınasıa almaǵan 14 884 bala bar, onyń ishinde 1-6 jas aralyǵyndaǵy 6 124 bala, 7-17 jas aralyǵyndaǵy 8 760 bala, onyń ishinde túrli sebepterge baılanysty ekpeden bas tartqan 5688 bala bar.
«Ata-analardy balalarynyń densaýlyǵyna beı-jaı qaramaýǵa shaqyrǵym keledi. Balalar arasyndaǵy qyzylshamen syrqattanýshylyqtyń tómendeýine Qazaqstan Respýblıkasynyń Ulttyq ekpe kúntizbesine sáıkes josparly ımmýndaý ǵana yqpal etetinin atap ótken jón. Halyq arasynda ımýndyq emes qabattyń tómendeýi halyqtyń bul ınfeksıaǵa beıimdiligin aıtarlyqtaı tómendetedi», - dep tolyqtyrdy Qoǵamdyq densaýlyq saqtaý basqarmasy basshysynyń orynbasary Nazgúl Imanǵalıeva.
Mamandar qyzylsha juqpasy men aýrýdyń asqynýynyń aldyn alýdyń birden-bir tıimdi joly ekpe ekenin aıtady. Máselen, ótken jyly profılaktıkalyq is-sharalar kesheniniń nátıjesinde Almaty qalasynda aýrýshańdyq boıynsha epıdemıologıalyq jaǵdaıdy turaqtandyrýǵa jáne aýrýdyń tirkelýin birli-jarym ǵana jaǵdaıǵa deıin tómendetýge múmkindik týdy.
Aýrýdyń alǵashqy belgileri - jótel, dene qyzýynyń kóterilýi, kózden jas aǵý, jaryqqa sezimtaldyq jáne bastapqyda bette, qulaq artynda, keıin búkil denede paıda bolatyn bórtpe. Olar paıda bolǵan kezde sizge:
- óz betinshe emdelýge bolmaıdy, dárigerdi úıge shaqyryp, emdi dárigerdiń nusqaýlyǵymen alý;
- úıde bolý, jumys ornyna, sondaı-aq, qoǵamdyq oryndarǵa barmaý;
- naýqas balalardy mektepterge, balalarǵa arnalǵan mektepke deıingi mekemelerge jiberýge bolmaıdy.
Qyzylshaǵa qarsy ekpe eki ret júrgiziledi: 1 jasta jáne 6 jasta, bul vaksınasıadan keıingi ımýnıtetti damytýǵa múmkindik beredi, bul vaksınasıalanǵan adamdarda ómir boıy bolady.
Vaksınasıa úshin DDU sertıfıkattalǵan jáne Qazaqstan Respýblıkasynda tirkelgen qyzylshaǵa, qyzamyqqa, parotıtke qarsy biriktirilgen vaksına qoldanylady. Vaksınasıa turǵylyqty jeri boıynsha qalalyq emhanalardyń barlyq ekpe kabınetterinde tegin júrgiziledi.