27 naýryzda pedagogterdiń bilimin baǵalaýǵa (burynǵy ataýy – ulttyq biliktilik testileýi) ótinish qabyldaý bastalǵan edi.
Ótinishter Ulttyq testileý ortalyǵynyń saıtynda qabyldandy. Al búgin, 3 sáýirde pedagogter synaqtan óte bastady, dep habarlaıdy Almaty-akshamy.kz Egemen.kz-ke silteme jasap.
Testileýge kelesi sanattarǵa jatatyn azamattar qatysa alady:
- mektepke deıingi tárbıe men oqytý uıymdarynyń pedagogteri;
- bilim berý uıymdarynyń ádiskerleri;
- jalpy orta bilim berý uıymdarynyń pedagogteri;
- qosymsha bilim berý uıymdarynyń pedagogteri;
- bilim berý uıymdarynyń, ádistemelik kabınetterdiń basshylary;
- tehnıkalyq jáne kásiptik, orta bilimnen keıingi bilim berý uıymdarynyń pedagogteri;
- pedagogıkalyq baǵyttar boıynsha JOO jáne kolej bitirýshi túlekteri;
- pedagogıkalyq baǵyttar boıynsha tehnıkalyq jáne kásiptik, joǵary jáne joǵary oqý ornynan keıingi bilimi bar, tájirıbesi joq kandıdattar.
Pedagogterdiń bilimin baǵalaý 3-22 sáýir aralyǵynda ótedi.
Eske salaıyq, bul synaq pedagogterdiń kásibı quzyrettilik deńgeıin aıqyndaý úshin ótkiziledi. Test synaqtaryn bilim berý salasyndaǵy ýákiletti organ ázirleıdi.
Test 50 tapsyrmadan turady:
- «Pándik bilim» boıynsha – 30 tapsyrma;
- «Oqytý ádistemesi» boıynsha – 20 tapsyrma.
Tapsyrmalar formasy boıynsha eki túrli bolady:
- bir durys jaýaby bar tapsyrmalar;
- bir durys jaýaby bar mátindik tapsyrmalar.
Test tapsyrýǵa 90 mınýt ýaqyt berilse, «Matematıka», «Fızıka», «Hımıa», «Informatıka» pánderi úshin test 125 mınýtqa sozylady.