Jyl basynan beri Almaty oblysynyń polıseıleri habar-osharsyz ketken 82 adamnyń ornalasqan jerin anyqtady.
Árbir izdeý is sharasyna “LIDER.KZ” eriktiler qozǵalysynyń ókili belsendi túrde qatysýda, dep habarlaıdy aqshamnews.kz Polisia.kz-ke silteme jasap.
– Tártip saqshylary eriktiler qozǵalysymen turaqty túrde jumys isteıdi. “LIDER.KZ” eriktiler qozǵalysynyń minsiz jumysyn atap ótkim keledi. Olar kúndiz de, túnde de baılanysta. Habar-osharsyz ketken adamdardyń kóbisi olardyń tikeleı kómegimen tabylǵan, – dep atap ótti Almaty oblysy PD KPB bastyǵy Rýslan Smaǵulov.
Jyl basynan beri quqyq qorǵaý organdary habar-osharsyz ketken 82 adamdy izdestirip tapty, onyń ishinde 44-niń izdestirý is-sharasyna eriktiler qatysty. Eger adam joǵalyp ketse, tanystaryna, dostaryna jáne týystaryna dereý qońyraý shalý kerek. Qandaı da bir aqparat bolmaǵan jaǵdaıda, joǵalǵan adamnyń sońǵy belgili bolǵan jeri boıynsha polısıa bólimine nemese jaqyn jerdegi polısıa bólimine dereý habarlasý qajet.