Segiz fakt anyqtaldy.
Kelisim somasy 6-10 mıllıon teńgeni quraǵan, dep habarlaıdy Almaty-akshamy.kz
Almaty oblysynyń polısıa departamenti prokýratýranyń úılestirýimen adamnyń ishki organdaryn alyp-satýmen aınalysqan qylmystyq toptyń áreketine tosqaýyl qoıdy.
Almaty qalasy, Almaty, Jambyl jáne Túrkistan oblystaryndaǵy uıymdasqan qylmysqa qarsy kúres bólinisterimen 22 fıgýrant (uıymdastyrýshylar, medısına qyzmetkerleri, notarıýs, resıpıentter men donorlar) jetkizildi.
Olar resıpıentter men donorlardy izdeý, jalǵan qujattardy resimdeý jáne ishki organdardy transplantasıalaý boıynsha operasıalardy uıymdastyrý mindetterin ózara bólisip, áreket etken. Kelisim somasy 6-10 mıllıon teńgeni qurady, osyndaı segiz fakt anyqtaldy.
Úsh negizgi uıymdastyrýshy qamaýǵa alyndy. İzdestirý is-sharalarynyń nátıjeleri boıynsha kúdiktilerden aqsha, qujattama, sıfrlyq tasymaldaǵyshtar jáne basqa da zattaı dáleldemeler tárkilendi.
“Halyq densaýlyǵy jáne densaýlyq saqtaý júıesi týraly” Qazaqstan Respýblıkasynyń Kodeksine sáıkes transplantasıalaý kezinde adam aǵzalary men tinderin alyp-satýǵa tyıym salynady. QR QK-niń 116-baby boıynsha “Adamnyń aǵzalary men tinderin alyp qoıýǵa májbúrleý nemese zańsyz alyp qoıý” sotqa deıingi tergep-tekserý júrgizilip jatyr. Baptyń sanksıasy múlki tárkilenip, on eki jylǵa deıin bas bostandyǵynan aıyrý túrindegi jazany kózdeıdi. QPK-niń 201-babyna sáıkes ózge aqparat jarıa etýge jatpaıdy.