Almaty dárigerlerin koronovırýstyń úndilik «Delta» shtamy alańdatyp otyr
Almaty qalasy Óńirlik komýnıkasıalar qyzmetiniń alańynda Almaty qalasy qoǵamdyq densaýlyq basqarmasy basshysynyń orynbasary Laýra Myrzaǵalı koronovırýsqa qatysty suraqtarǵa jaýap berip jatyr, dep habarlady Almaty-akshamy.kz.
«Koronavırýstyń úndilik Delta shtamynan naýqastar sany kúrt ósetin bolsa, oǵan stasıonarlar daıyn. Bul shtam biz úshin de qorqynyshty. Aýrýlar sany kúrt ósýi múmkin degen boljam jasap ta otyrmyz. Vırýstan saqtanýdyń jalǵyz joly - vaksına alý. Saqtyq jasamaı, jaıbaraqat júrgender eldegi epıdemıologıalyq aýyr jaǵdaıǵa tez ákelýi múmkin. Sebebi úndi shtamy óte aýyr syrqat týdyrady» - dedi Laýra Myrzaǵalı.
Onyń aıtýynsha, úndilik shtamm da 2021 jyly qańtarda qabyldanǵan 126 protokolmen emdeledi.