Dál osy taqyryppen búgin Almaty qalasy Óńirlik komýnıkasıalar qyzmetiniń alańynda onlaın-suhbat ótip jatyr.
Onlaın-suhbattyń búgingi spıkeri – Almaty qalasy qoǵamdyq densaýlyq basqarmasy basshysynyń orynbasary Laýra Myrzaǵalı, dep habarlaıdy Almaty-akshamy.kz.
«Qalamyz boıynsha jalpy 393 529 adam vaksına aldy, bul 41 %-dy quraıdy, 21 maýsymda 5 myńdaı adamǵa, 22 maýsym kúni 5840 adamǵa, keshe 7307 adamǵa ekpe salyndy, bulardyń barlyǵy óz erkimen ekpe alǵandar. Osylaısha, qalamyzda ekpe saldyrý qarqyny artyp keledi», -dedi spıker.
Búgingi kúni İ komponentten 393 529 vaksına jasaldy, al İİ komponentti ekpe 264 203 adamǵa salyndy, qalǵandary ózderiniń shaqyrylǵan ýaqyty boıynsha İİ komponentti alatyn bolady.
«Qalamyzdaǵy vaksınasıalaý qarqyny qalaı júrip jatqanyna baılanysty barlyq aqparat osy», -dedi Laýra Myrzaǵalı.