2023 jylǵa qoıylǵan mindetter osyndaı.
Sonymen qatar joǵary tehnologıalyq jáne «taza» ónimder, týrızm, IT-sektor da basty nazarda, dep habarlaıdy Almaty-akshamy.kz
Bultýraly Óńirlik komýnıkasıalar qyzmeti brıfıńine kelgen Almaty qalasy ákiminiń orynbasary Álisher Ábdiqadyrov aıtyp ótti.
Kelesi jyly jeti shaǵyn óndiristik parkti iske qosý, kreatıvti salalar úshin venchýrlyq qor qurý, basym baǵyttar boıynsha 50 mlrd teńgege deıin 2,6 myńǵa jýyq SHOB jobasyn qarjylandyrý josparlanýda. Jalpy, ınvestısıa retinde oǵan 1,5 trln teńge tartylady.
Sonyń arqasynda 2023 jyly Almaty qalasy ekonomıkasynyń ósimi 4,4 paıyzdy quraıtyn bolady. Álisher Ábdiqadyrov búginde Almatyda qańtar oqıǵasynan keıin shaǵyn jáne orta bıznestiń qyzmeti tolyq qalpyna kelgenin aıtty. SHOB sýbektilerine 16,2 mlrd teńge tólengen.
«Shaǵyn kásipkerliktiń belsendiligine qyzmetterdiń keńeıýi men yntalandyrý sharalary yqpal etti. Bul rette 115,4 mlrd teńgege 2,7 myńnan astam joba qoldaý tapty», - dedi ÓKQ spıkeri.