Búgin, 22 tamyzda, qazaqstandyq paralımpıadashylardyń bir toby Parıjge ushyp ketti. 28 tamyz ben 8 qyrkúıek aralyǵynda Fransıa astanasynda XVII Jazǵy Paralımpıada oıyndary ótedi.
Qazaqstannyń delegasıa quramyna otyryp oınaıtyn voleıbol, paraústel tenısi jáne parajúzý sport túrlerinen ulttyq quramalardyń sportshylary endi, dep habarlaıdy Mádenıet jáne sport mınıstrligi.
Mınıstrlik atap ótkendeı, Qazaqstan otyryp oınaıtyn voleıboldan 28 jyl ishinde alǵash ret qatysady, al paraústel tenısinde alǵash ret óner kórsetedi.
Jalpy, Parıjdegi Paralımpıadada Qazaqstannyń 9 sport túrinen 33 lısenzıasy bar. Bul oıyndarǵa Qazaqstannan 44 sportshy qatysady, bul eldiń Jazǵy Paralımpıada oıyndaryna qatysý tarıhyndaǵy eń úlken delegasıa bolmaq.