Bul týraly Óńirlik komýnıkasıalar qyzmetiniń alańynda Almaty qalasy boıynsha Eńbek jáne áleýmettik qorǵaý komıteti departamenti basshysynyń orynbasary Rımma Qasymova málimdedi, dep habarlaıdy aqshamnews.kz
Departament 15 memlekettik qyzmet kórsetedi, onyń ishinde zeınetaqy jáne áleýmettik tólemderdiń 30-dan astam túri, sondaı-aq múgedektikti belgileý boıynsha 1 qyzmet.
«2024 jyldyń shildesinen bastap Departament qurylymynyń ózgerýine baılanysty 4 aýdanaralyq bólim jáne 1 balalar bólimi medısınalyq-áleýmettik saraptama júrgizýde», - dedi R.Qasymova.
Máselen, 2024 jyldyń 7 aıynda 14 283 qyzmet kórsetildi, onyń ishinde alǵashqy kýálandyrýdan - 3 314, qaıta kýálandyrýdan - 10 969.
Almatyda barlyǵy 59 830 múmkindigi shekteýli adam turady, onyń 50% - y eńbekke qabiletti jasta.
ÓKQ spıkeri naqtylaǵandaı, esepti kezeńde halyqty áleýmettik qorǵaý salasyndaǵy baqylaý bólimi «QR Áleýmettik kodeksiniń» saqtalýyna 104 nysandy tekserdi. Tekserý barysynda 153 buzýshylyq anyqtalyp, jalpy somasy 1 846 000 teńge bolatyn 10 ákimshilik hattama jasaldy.